'n Makabere vonds is in die Suid-Bulgaarse stad Sozopol gemaak - 'n 13de of 14de eeuse teraardebestelling van 'n man op die ouderdom tussen 35 en 40 jaar, wat blykbaar met 'n ploegskaar in sy skouer (die oranje voorwerp op die foto) tot sy graf "beperk" is[1]Gedenkplaat vir Friedrich-Wilhelm Murnau se ekspressionistiese stomfilm Nosferatu, wat in 1921 ontstaan het, op die markplein van die Duitse Oossee-hawestad Wismar, Mecklenburg-VoorpommereBela Lugosi het in 1931 die hoofrol in die rolprent Dracula vertolkManneken Pis in die Belgiese hoofstad Brussel met Dracula-kostuum
Vampiere (afgelei van die Serwiesevampir) is volgens die mitologie en volksverhale nagtelike wesens, meestal opgewekte menslike lyke, wat die bloed van mense en diere suig en oor bonatuurlike vermoëns beskik. Hierdie vermoëns varieer na gelang van die verskillende kulture en mites, waarin vampiere voorkom. Soms tree vampiere ook in nie-menslike gedaantes soos demone en diere op (byvoorbeeld vlermuise, honde en spinnekoppe).
Byna die hele spektrum van mitologiese elemente is in die moderne vampierliteratuur ingebring - godsdiens en die strewe na ewige jeug en onsterflikheid, bloed (as 'n simbool van lewenskrag), fisiese en estetiese aantreklikheid, liefde, seksualiteit en erotiese verhoudings.[2] Daarnaas behandel die genre aanhoudende onderliggende vrese - soos dié om lewendig begrawe te word.